Assalamu'alaykum w.w.
 
Bismillahirrahmaanirrahiiim
 
Disusun jari nan sapuluah
Kapalo nan satu batakuakkan
Tarimolah sambah jo salam dari jauah
Dalam bathin bajawek tangan
 
Nan saeloknyo tantu kami bana datang manjalang, tapi dek langkah baparinggo, wakatu bajangko, rila jo maaf kami mintak, dek surek sapucuak nan kami layangkan
Ujuik mukasuik nan dikanduang, iyo maharok bana kahadiran Angku, Niniak Mamak, Alim Ulama, Cadiak Pandai, Bundokanduang, sarato nan Rang Mudo, dalam acara "Mangana  Kampuang Menggalang Dana Musibah Sumatera Barat", pado :

Ari                       : Sabtu
Tanggal              : 14 April 2007
Pukua                 : 14.00 sampai 04.00
Tampaik              : Halaman Balaikota Bogor,
                             Jl. Ir. H Juanda
                             dimuko Istana Bogor

Untuak Parintang duduak, kami katangah pulo Seni budaya Minangkabau, barupo  : Saluang, Rabab, Randai, Organ Tunggal, Talempong, Band, Gandang Tasa, Kuartet tunggal dll.
 

Untuak Parintang duduak, kami katangah pulo Seni budaya Minangkabau, barupo  : Saluang, Rabab, Randai, Organ Tunggal, Talempong, Band, Gandang Tasa, Kuartet tunggal dll.
 
Baririk kureta di Singkarak
Sarek muatan batu baro
Kinilah tingga dalam curito
Salah jo jangga maaf dimintak
Isuak nan usah jadi doso
TARIMO KASI panutuik kato
 
Wasssalamu'alaykum w.w.
 
Silang nan Bapangka Karajo nan Bapokok
 
                  ttd
 
Masyarakat Peduli Budaya Minangkabau
 
* Randai dari Limau manih, Padang, Group Palito Nyalo
* Band Alamanda
* Densalo Group (dendang SALuang Organ)
* Penyanyi POP Minang Ibukota dan dari Kampuang
 
Jam 14.00 - 18.00. Organ Tunggal, Talempong, Kuartet Tunggal
Jam 19.00 - 04.00, Gandang Tasa, Band, Saluang, Rabab, Randai