|
Page 1 of 9 Assalamu'alaikum.w.w.
Manolah  urang balerong. Dunsanak ka sadonyo, 'alim
ulama, cadiak pandai, nan gadang Basa batuah, gadang ketek tuo mudo. Lah sudah heboh-heboh Pemilu, tingga manunggu hasil sajo lai. Rancak kito mangaji baliak, maulang-ulang kaji bagi nan taruih mangaji di rumah, Atau panambah-nambah kaji bagi nan alun tau.
Aa nan rancak kito kaji kini ?.
Dek pemilu ko sabananyo pancari jalan. Dicari urang nan santiang manjalankan roda pemerintahan. Roda tu sendiri baputa di ateh jalan.
Nan ma jalan nan ditampuah tu ?.
Awak tiok-tiok hari mamintak jalan tu, ka sia ?, ka sia pulo lai kok indak ka Allah swt.
"Ih dinas shirathal mustaqiiim"
Tunjukkanlah kami wahai Allah, apa lah kiranya jalan yang lurus.
Sabalun mamintak tu kitopun alah mamuji Allah nan memerintah alam ko. Allah Maha Pemurah lagi Maha
Penyayang. Allah yang memerintah pado hari kiamat.
Sasudah dipuji, sasudah disanjuang Allah tu, kitopun mamohon lah.
Akan dikau saja yaa Allah kami menyembah
"Iyya kana'budu" dan akan dikau saja yaa Allah kami mohon pertolongan
"wa iyya kanasta'iiin"
Kamudian kito mamintak,
Tunjukkilah wahai Allah apalah kiranya jalan yang benar.
Sabananyo, makhluk dapek juo maagiah. inyo dapek maagiah makan, dapek maagiah pakaian, dapek maagiah pitih, tapi banyak Nan indak bisa diagiah dek makhluk.
Makhluk indak dapek maagiak kebahagiaan. senangan
inyo ndak dapek maagiah. Walau urang diagiah bapitih banyak tapi indak juo sanang doh.
Makhluk pemberiannyo sangaik bainggo.
Kito bisa sajo mamintak, minta jabatan, diagiah jabatan, mintak makan diagaih makan, mintak minum diagiah minum, minta...... macam-macam bisa dapek.
Tapi manusia indak dapek maagiah awak sehat, banyak pitih indak sehat-sehat. Kesenangan dan kebahagiaan sejati manusia atau makhluk indak dapek maagiah.
Hidayah apo lai. Ndak dapek manusia maagiah. Iman manusia ndak dapek maagiah. Mako kito mintaklah ka Allah ta'ala. Mintak kapado Allah hidayah.
Sabalun kito lanjuikkan. Hidayah ko macam-macam peringkatnyo. Kalau anak-anak (bayi), dinamokan fithrah, hidayah juo tu. Kalau inyo sakik inyo manangih, kalau inyo lapa inyo manangih, kalau inyo kajamban inyo manangih. Itu hidayah juo. Kalau lah baitu, urang gaeknyo lah maklum, langsuang dipareso, Anak ko lapa, … susu dulu,.. ndak namuah.. eh kajamban agaknyo.. (dek dalam baduang),.. kalau indak...sakik paruiknyo ko....Iko hidayah juo namonyo
Kalau inyo kajamban inyo diam, kalau inyo lapa inyo
diam, kalau inyo sakik inyo diam, baa ? ... mati anak tu capek.
Itulah hidayah untuak anak-anak, ...Fithrah Allah swt. maagiah.
Batambah gadang inyo, ado fithrahnyo. Peringkat
anak-anak, kalau makin gadangnyo suburlah aka nyo,
mako mulai inyo tahu mambedakan antaro nan Buruak
jo nan elok.
Dalam kitab fiqih disabuik "mumaiyiz", aratinyo dapek mambedakan nan buruak jo nan elok. Ma nan arun ma nan busuak, ma nan itam ma nan putiah, inyo diagiah hidayah dek Allah swt. Aka tu tumbuah maikuik tumbuah badan. Aka ko lah pemberian Allah nan sangaik maha. (ingek ko).
Anak-anak alun baraka indak wajib sumbayang.
Tapi Amak jo apaknyo lah nan baraka nan manyuruah inyo sumbayang.
Dalam hukum fiqih, seorang yang tidak berakal tidak
wajib sembahyang. Tapi urang-urang nan baraka nan
indak wajib sumbayang ado juo, … sia tu...?.. induak-induak nan datang bulan.
Baraka juo, tapi indak buliah sumbayang.
Jadi urang ko buliah ndak sumbayang dek karano duo
pakaro tadi, Datang bulan atau indak baraka.
Kok ado urang laki-laki nan indak sumbayang mako
memang inyo indak baraka...:) aaa baitu kaedah nyo
Jadi dari anak-anak, batambah umua batambah lah
aka nyo. Tapi aka sajo indak cukuik untuak mambuek
urang jadi elok. Masih paralu hidayah.
Sabab kalau digunokan aka sajo… pernah suatu
katiko dulu,… cangkeh lah banyak bana… mako atuah haragonyo…
Digunokan urang hukum aka,… baa caronyo
mampatahankan harago cangkeh ko, mako dibakalah cangkeh ko dibuang kalauik dan sebagainyo. Untuak mampatahankan harago jan jatuah. (Sudah tu dimonopoli… :) )
Sahinggo harago stabil dek karano manuruik hukum aka permintaan harus samo jo penawaran. Kalau penawaran balabiah dari permintaan kan harago jatuah. Bamacam, kadang dibaka bagai ladang cangkeh tu, tibo di gulo dibaka ladang tabu tu.
Iko manuruikkan hukum aka sajo. Disiko manusia paralu hidayah. Kok manuruik hukum hidayah, disadakahkanlah ka urang nan indak punyo. Urang nan indak takao mambali. Aratinyo, aka sajo indak dapek mambuek urang jadi elok doh.
… Ooop pompong lah panjang pulo…
… Berang pulo mak Sati kaambo beko sabab dulu kok
indak salah kompor nyo kenek…antahkok lah balain
kini.
…Isuak kito sambuang…
Wassalam
|
