Salah satu program Yayasan palanta cimbuak adolah "Pemberian Beasiswa" untuak adiak adiak kito di kampuang nan berprestasi, tapi mangalami kesulitan dalam biaya sakolah. Terakhir Yayasan Palanta Cimbuak alah menggulirkan beasiswa kapado beberapa adiak adiak di kampuang di babarapo wilayah. Daftar penerimanyo bisa dunsanak caliak di link http://sptt.cimbuak.net/component/option,com_danaypc/task,penerima/Itemid,32/. Dengan alah takumpuanyo baliak dana beasiswa,mako kami dari Yayasan Palanta Cimbuak berencana ka menyalurkan dana beasiswa untuak adiak adiak di kampuang.

Adopun dana nan alah takumpua hinggo kini adolah Rp 4.183.145,-. Beasiswa ko akan dibarikan kapado kapado adiak adiak SD, SMP, dan SMA. Dengan rincian:

SD    =  Rp 250.000,-
SMP =  Rp 300.000,-
SMA =  Rp 350.000,-

Kapado sanak member cimbuak sadonyo, khusus nyo nan ado di kampuang,sudilah kiro nyo bakarajo samo dalam menyalurkan dana beasiswa. Dan sekaligus sebagai penanggup jawab dari adiak adiak nan manarimo beasiswa dari Yayasan Palanta Cimbuak.

Beasiswa ko ditargetkan penyerahannyo di awal tahun ajaran 2011/2012,sekitar awal Juli. Oleh karano itu, handaknyo alah takumpua data data adiak adiak di kampuang nan akan manarimo beasiswa sabalun bulan Juli 2011.

Bagi dunsanak member sakiro nyo mampunyoi data tentang adiak adiak calon penerima beasiswa, bisa melampirkan datanyo ka pengurus yayasan. (bisa ka This e-mail address is being protected from spam bots, you need JavaScript enabled to view it ). Adapon data data nyo meliputi:

- Data calon penerima beasiswa:(data pribadi, data orang tua)
- Data member nan mengajukan nan juo sebagai penanggung jawab

Kami dari pengurus akan mangumpuan dan menyeleksi adiak adiak nan akan manarimo beasiswa dari Yayasan Palanta Cimbuak.

Adiak adiak nan tapiliah jadi panarimo beasiswa, kami akan mangirimkan dana ka penanggung jawabnyo, dan penanggung jawabnyo akan mambarikan kapado penerima beasiswa. Sawaktu penyerahan handak nyo, dibuekkan dokumentasinyo dan dikirimkan kapado yayasan / email salah satu pengurus ( This e-mail address is being protected from spam bots, you need JavaScript enabled to view it ). Bia dunsanak kito sebagai donator bisa mancaliak dana beasiswa nan mereka titipkan lewat yayasan alah sampai kapado panarimonyo,sasuai jo tujuan yayasan pengelolaan dana yang transparan.


Kapado donator nan alah manitipkan dana nyo kapado kami, kami ucapkan tarimo kasih . Dan jiko ado dunsanak member nan lain nio manitipkan pulo dana untuak program beasiswa yayasan palanta cimbuak, bisa ditranfer ka : Yayasan Palanta

Cimbuak No Rek 103-0004.9210-17.
Bank Mandiri Cab Sarinah Jakarta.
Samakin banyak dana nan takumpua, tantu samakin banyak pulo adiak adiak kito di kampuang nan tabantu. Samoga apo nan kito rencanakan ko terlaksana handak nyo. Mari kito bahu mambahu mawujudkan nyo. Dan mudahan mudahan adiak adiak nan kito bantu, bisa malanjuikkan sakolah nyo dan mawujudkan cito cito nyo nanti dan manjadi panagak nagari. Amiiiin Yaa Rabbal alamiiin…